Nō mai mai kua whai mana a Ngāi Tahu i ngā mahi hī ika.
He tikanga tuku iho te manaaki me te whāngai i te whānau i te manuhiri hoki ki ngā hua a Tangaroa.
Hāunga ētahi tikanga hī ika i Aotearoa nei, ka whakamanahia te tangata whenua e te ture kia whakahaere i ōna mātaitai me ōna taiāpure.
Mā ēnei ture hī ika ka waiho te mana whakahaere o ngā āpure ika ki ngā iwi, ki ngā hapū, e hāngai pū ana ki ō rātou tikanga. Ka whakaarotia hoki ngā mahinga ika ki te katoa o ngā hopunga ika kua whakataungia e te Kāwanatanga ia tau.
Kai ngā kaitiaki te mana whakahaere o ngā ture e pā ana ki te hunga hī ā-tikanga, ā-rēhia hoki, i roto i ngā mātaitai me ngā taiāpure. Kāore e whakaaetia kia hokona atu aua hopunga ika.
Ka mahi a Toitū te Whenua o Te Rūnanga o Ngāi Tahu, kia whakaritea tētahi kupenga taiāpure i tō Ngāi Tahu takiwā. Mā ēnei mahi ka māmā ake ai te tiaki i ngā taiāpure me ngā mātaitai, heoi kia mana tonu ai ngā umanga hī ika o te iwi.
